Pachakuna yuyanchay

                                                                                                        Qillqaq,  Jorge Kichwa

                                                                                                       

Qillapasqa RUNA SIMI RAYMI SUYU paq.

Ñaupaq runakuna, yachakurqaku allinta. Chaymi kaypi warmakunaman yachachisun, allinta lliu pachapi runa yachakunanchikpaq.   Pachamaman paqwayta sarusqa,wischusqa wawankunata mikuchichkaptin.

Ñaupaq pacha, kanan pacha, qhipa pacha nisqan.

Sumaqta sayarispa qawarikuy ñaupaqnikita,chayqa kan riqsisqayki, rikusqayki, yachasqayki, chaymi sutin Ñaupaq Pacha.  Chaymi kanman, chisi punchaw, qaninpa killa, qaninpa wata, unay watakunapis.  Kay punchawkunaqa sumaq yachasqaña kan ima ruwasqanchiktapas, kuyasqanchitapas, pi wañukuqtapis, ima llaqtanchikpi kasqanta yachasqaña.
Chayman qinam phipa pachañataq, mana rikusqachu, mana yachasqachu, mana riqsisqachu, chaymi manchakuchwan, ima amusqantapis.  Qhipa pachapiqa kanman pachakuyupis, yaku lluqsimuypis, lluqllapis, ima llakipis.  Chayman hinataqmi kanma kusikuy, tusukuy, asirikuy punchaw ayllunchikunawan, llaqta masinchikunawan.  Mana yachanchikchu qhipanchikpi kaptin, chaymi sutichankchik  Qhipa Pacha,mana riqsista pacha, manchakuna pacha.
Kanan pachañataqmi, kuskan ñaupaqwan -qhipa punchaw tupanakusqan, chaymi sutichanchik  Kanan Pacha.

Qhipa pacha allin chayamunanpaq
Mana riqsisqanchik punchawkuna allin chayamunanpaq, ñuqanchik  allinta llamkananchik, allinta yachakunanchik, allinta munakunanchik.  Chayman hina  allin yachakuy kanqa qipakunata.  Mana chayqa ima llakipis kanmanmi.  Sipinakuykuna kanman, yarqay, hunquy wañukuna kanman.  Allinta apunchikunata waturikuspa, tayta intichikta qayarikuspa yachakusunchik.

Hanan pacha, Kay pacha, Uku pacha nisqan.
Chayllapi sayaspayki, humaykipa awanta qawarikuy.  Rikunki, tayta intita, mama killata, puyukunata,tutapiqa rikunki quyllurkunata, chaymi sutichanchik  Hanan pacha nispa.

Uku pachañataqmi, wamaninchukunapa kasqan allpa hukupi.
Kay pachañataqma, pachamamanchikpa hawan, purikusqanchik allpakuna,purunkuna.  Huywanchikunapa kasqan, mayukunapa purisqan, sachakunapa wiñasqan. Kausayninchikunapa wiñasqan, ñuqanchik kausakunanchikpaq.